Patrick Williams

Patrick Williams
Fødd	23. april 1939
Fødestad	Bonne Terre
Død	25. juli 2018 (79 år)
Dødsstad	Santa Monica
Fødenamn	Patrick Moody Williams
Opphav	USA
Aktiv	1960-åra–2018
Sjanger	easy listening, storband, Filmmusikk
Instrument	trompet
Verka som	komponist, dirigent, musikkforskar, filmmusikkomponist, arrangør

Patrick Moody Williams (fødd 23. april 1939) er ein amerikansk komponist, som har skrive musikk innan jazz, popmusikk og musikk for film og fjernsyn.

Han har vore mykje nytta som arrangør av musikk og har vore aktiv i filmindustrien i over tre tiår, men har stundom leia sine eigne prosjekt. Han byrja karrieren med å studere klassisk trompet og spelte i Norwalk Symphony Orchestra. Samstundes leia Williams sitt eige swingjazz-band. Han studerte ved Duke University, der han leia Duke Ambassadors, Columbia University. Williams var aktiv i studio frå tidleg alder og deltok på mange innspelinga i New York i 1961-1967. Sjølv om han spelte trompet og vibrafon frå tidleg alder, har Williams stort sett vore komponist og arrangør etter at han flytta til Los Angeles i 1968. Han har skrive musikk for over 60 filmar og mange fjernsynsseriar. Han starta og dreiv det kortvarige jazzselskapet Soundwings i slutten av 1970-åra og arrangerte for mange artistar, som Barbara Streisand og Billy Joel. Williams har vore lærar ved mange universitet, samstundes som han har leia innspelignar på eiga hand, inkludert innspelignar for Pausa, Verve, Capitol, Columbia, ABC, Allegiance, Warner Bros., Soundwings og EMI.

Han har vore nominert til mange Grammyprisar gjennom karrieren. Han fekk prisen i 1974 for storbandalbumet sitt Threshold, og igjen i 1986 for trombone- og orkesterverket «Suite Memories». I 2011 vart Williams nominert til to Grammyprisar for storbandinnspelinga Aurora.